اهم الاسئلة والاجابات عن اسهم قناة السويس الجديدة ==
= س : السهم بكام
* ج : ١٠جنيه للأطفال والطلاب و١٠٠جنيه للكبار و100 دولار للمصريين فى الخارج
=س : اشتريه منين ؟
* ج : من فروع البنك الاهلى وبنك مصر ومكاتب البريد فى كل الجمهورية
=س : امتى اقدر اشترى ؟
* ج : فى النص الاول من سبتمبر
=س : اقدر اشترى كام سهم ؟
* ج: انت اللى بتحدد عاوز كام سهم وبتدفع تمنهم بس طبعا لازم تكون الاسهم متوافره فى الاكتتاب
= س : يعنى ايه اكتتاب ؟
* ج : يعنى الحكومة مثلا حتتطرح 100 مليون سهم للناس … طب فرضا الناس طلبت شراء 100 مليون سهم او اقل … ساعتها كل واحد ياخد الاسهم اللى طلب شرائها … طب لو الناس طلبت شراء 200 مليون سهم مثلا … ساعتها كل واحد حياخد نص الكمية اللى طلبها بس … وهكذا ياخد اسهم بنسبة عدد الاسهم المطروحة للاكتتاب مقسوم على طلبات الشراء ..
= س : طب مدة الاكتتاب دى قد ايه ؟
* ج: اسبوعين
= س : طب اقدر اعرف امتى انا اشتريت كام سهم ؟
* ج: بمجرد قفل باب الاكتتاب
= س: هى الاسهم دى ملهاش ربح ؟
* ج: طبعا ليها ربح … انت حتبقى شريك فى الشركة يعنى لك نصيب من الارباح وحتاخدها سنويا
= س : طب ممكن ارجع فلوسى تانى ؟
* ج: طبعا تقدر تبيع السهم وغالبا بسعر اعلى من سعر الشراء بخلاف نصيبك فى الارباح
= س: ممكن الاسهم دى تتطرح فى البورصة
* ج: ممكن طبعا
ليست هناك تعليقات:
إرسال تعليق